આપણે ભલે ગુજરાતી હોઈએ પણ દરેક ઘરમાં લોકોને પંજાબી, સાઉથ ઇંડિયન, અને મેક્સિકન ફૂડનો ટેસ્ટ પણ દાઢે વળગેલો જ હોય છે. તેમાં જમવામાં તો ગુજરાતીને કોઈ પોહોંચી જ ન શકે. તેથી જ બાળકોથી લઈને મોટેરાઓને પણ અલગ અલગ વાનગીઓ જમવાનો ખૂબ જ શોખ હોય છે. ત્યારે આજે અમે તમારા માટે એક ખાસ વાનગીની રેસીપી લઇને આવ્યા છીએ. જેનું નામ છે ‘ચણા પાલક રાઈસ’, આ રેસિપીની ખાસિયત એ છે કે આ ટેસ્ટી હોવાની સાથે જ ખૂબ જ ઓછા સમયમાં બનીને તૈયાર પણ થઈ જાય છે.
તેને સ્વાદ બધાને પસંદ આવશે. તો ચાલો જાણીએ તેને બનાવવાની રીત…
ચણા પાલક રાઈસ બનાવવા માટેની સામગ્રી-
1/2 સમારેલી ડુંગળી
1 ચમચી આદુ-લસણની પેસ્ટ
1/2 કપ બારીક સમારેલા કેપ્સીકમ
1/2 કપ બારીક સમારેલા ટામેટા
1/2 કપ બારીક સમારેલી પાલક
1/4 ચમચી હળદર પાવડર
1 ચમચી મરચું પાવડર
1 ચમચી ધાણા-જીરું પાવડર
મીઠું સ્વાદ મુજબ
1 કપ બાફેલા કાળા ચણા
1 કપ રાંધેલા ચોખા
4 ચમચી તેલ
2 ચમચી ઝીણી સમારેલી કોથમીર
બનાવવાની રીત
ચણા પાલક રાઈસ બનાવવા માટે સૌથી પહેલા એક કડાઈમાં તેલ ગરમ કરો અને તેમાં ડુંગળીને સોનેરી થાય ત્યાં સુધી સાંતળી લો.
આ પછી કડાઈમાં આદુ-લસણની પેસ્ટ નાખીને હળવા હાથે હલાવો. હવે તેમાં કેપ્સીકમ અને ટામેટા ઉમેરીને થોડીવાર ધીમી આંચ પર રહેવા દો.
હવે તેમાં પાલક, હળદર, લાલ મરચું પાવડર, ધાણાજીરું પાવડર, મીઠું અને 2 ચમચી પાણી ઉમેરીને 2 મિનિટ સુધી હલાવો.
ચણા અને ચોખાને મિક્સ કરીને સારી રીતે હલાવતા 5 મિનિટ સુધી પકાવો.
છેલ્લે ચણા પાલક રાઈસની ઉપર કોથમીર નાખીને ગાર્નિશ કરીને ગરમા-ગરમ સર્વ કરો.