લાભ પાંચમ ક્યારે? જાણો આ દિવસની સાચી તારીખ, શુભ મુહૂર્ત અને મહત્વ

દિવાળીનો તહેવાર હવે પતી ગયો છે. ગુજરાતીઓનું નવું વર્ષ વિક્રમ સંવત 2080 શરુ થઈ ગયું છે. દિવાળી પછી પાંચમા દિવસે લાભ પાંચમ તિથિમાં ગુજરાતીઓ પોતાના ધંધા-પેઢીનું મુહૂર્ત કરે છે અને નવા વર્ષમાં પોતાનો ધંધો સારો ચાલે તેની કામના સાથે શુભ મુહૂર્તમાં દુકાન-ફેક્ટરી ખોલે છે. લાભ પાંચને સૌભાગ્ય પંચમી, જ્ઞાન પંચમી તરીકે પણ ઓળખવામાં આવે છે.

લાભ પાંચમ તારીખ 2023
આ વર્ષે લાભ પંચમી 18 નવેમ્બર 2023 શનિવારના રોજ છે. ગુજરાતમાં આ તહેવાર ખૂબ જ ધામધૂમથી ઉજવવામાં આવે છે. વ્યાપારી લોકો પણ આ દિવસે શુભ સમયે તેમના ધંધા-પેઢીનું શુભ મુહૂર્તમાં ઓપનિંગ કરે છે. આ તિથિ સુખ-સમૃદ્ધિમાં વધારો કરે છે.

લાભ પંચમી પૂજા મુહૂર્ત
સવારે લાભ પંચમી પૂજા મુહૂર્ત – 06:45 am – 10:19 am
અવધિ – 3 કલાક 34 મિનિટ

લાભ પાંચમનું મહત્વ
હિંદુ ધર્મની માન્યતાઓ અનુસાર આ દિવસે કોઈપણ નવો ધંધો શરૂ કરી શકાય છે. દિવાળી પછી, વેપારીઓ આ દિવસે તેમની દુકાનો અને સંસ્થાઓ ફરીથી ખોલે છે. એવું માનવામાં આવે છે કે લાભ પંચમીના દિવસે કરવામાં આવતી પૂજા લોકોના જીવનમાં, વ્યવસાય અને પરિવારમાં લાભ અને સૌભાગ્ય લાવે છે. આ દિવસે વ્યાપારીઓ નવા એકાઉન્ટ બુકનું ઉદ્ઘાટન કરે છે અને ધંધામાં વૃદ્ધિ માટે દેવી લક્ષ્‍મીની પ્રાર્થના કરે છે.

(નોંધ: અહ્યા અપાયેલી માહિતી ધાર્મિક અને લોક માન્યતા પર આધારિત છે. આનું કોઈ વૈજ્ઞાનિક પુરાવો નાં હોઈ સકે. સામાન્ય હિત અને માહિતી ને ધ્યાન માં રાખીને અહ્યાં આ માહિતી ને અમે પ્રસ્તુત કરી રહ્યા છીએ.)